Dr. Xhuana Abazi është pedagoge me kohë të plotë pranë Fakultetit të Drejtësisë, Universiteti i Shkodrës “Luigj Gurakuqi”, që prej vitit 2016, ku ligjëron në fushën e së drejtës për mbrojtje sociale, të drejtës tregtare dhe civile. Ajo ka përfunduar studimet e doktoratës në Qeverisje dhe Administratë Publike, me fokus në rolin e institucioneve publike në mirëqenien sociale dhe qeverisjen vendore, përmes një studimi rasti mbi Bashkinë Shkodër. Fushat e saj të ekspertizës përfshijnë qeverisjen dhe administratën publike, politikat e mbrojtjes sociale, transparencën dhe përgjegjshmërinë institucionale, si dhe analizën ligjore të vendimmarrjen në nivel lokal dhe harmonizimin e legjislacionit me standardet evropiane.

Ajo është anëtare e disa COST Actions evropiane, ku kontribuon në kërkim shkencor, bashkëpunime ndërkombëtare në fushën e qeverisjes, shërbimeve publike dhe politikave sociale. Ka marrë pjesë në konferenca kombëtare dhe ndërkombëtare dhe është autore e disa botimeve shkencore në revista dhe volume ndërkombëtare, të fokusuara në sistemet e mbrojtjes sociale, të drejtën publike dhe sfidat e qeverisjes bashkëkohore.

Në angazhimin e saj akademik dhe institucional, ajo ka qenë pjese e grupit të punë në dy projekte edukative të përfunduara me sukses, përfshirë organizimin e Mock Trial në të Drejtën Civile në bashkëpunim me Dhomën e Avokatisë dhe realizimin e Law School mbi të Drejtat e Fëmijëve dhe Standardet Evropiane. Paralelisht, ajo është e angazhuar si Co-Lead në një projekt kërkimor shkencor universitar mbi Standardin Minimal Jetik dhe Ndihmën Ekonomike, i cili ka nisur zbatimin këtë vit dhe është aktualisht në proces zhvillimi.

Publikimet kryesore:

1. Abazi, Xh. (2025). Adapting Albania’s Social Protection System to European Standards: A Closer Sight at Legal and Institutional Change. European Journal of Economics, Law and Social Sciences, Vol. 9, No. 2, pp. 54–69. De Gruyter.
2. Abazi, Xh. (2025). Regulating Social Welfare Systems in International Law: A Comparative Analysis of Legal Challenges Across Diverse Frameworks. Academic Journal of Business, Administration, Law and Social Sciences, Vol. 11, No. 2. De Gruyter.
3. Abazi, Xh., & Zendeli, F. (2024). The Role of Public Institutions in the Social Protection System in Albania: Legal Public Administration Aspects of Welfare Growing. Në Proceedings of the First Regional Conference “Exploring Dimensions of Public Management, Policy and Administration Across Diverse Sectors”, SEEU, Tetovë, Maqedonia e Veriut.
4. Abazi, Xh., & Zendeli, F. (2024). Identifying Legal and Social Challenges of Social Protection Systems in Europe. Në Proceedings of the V International Scientific Conference on Legal Sciences “Legal and Social Changes in Europe, Situation and Perspectives”, SEEU, Tetovë, Maqedonia e Veriut.