Fatura arkëtimi për tarifat vjetore, viti akademik 2024-2025

Njoftohen të gjithë studentët e të gjitha cikleve të studimit se tarifat e shkollimit janë publikuar në faqen zyrtare të UNISHK-ut, të ndara sipas fakulteteve dhe sipas programeve të studimit.

Fatura shkarkohet nga faqja zyrtare e UNISHK-ut dhe studenti paraqitet tek Posta Shqiptare për të kryer pagesën sipas shumës së përcaktuar në faturë.

Pasi kryhet pagesa pranë Postës Shqiptare studentët e rregullt të çdo kursi dërgojnë një kopje të saj me email në adresën financa@unishk.edu.al 

Studentët që në bazë të rregullores cilësohen përsëritës (stazhierë) depozitojnë faturën e pagesës pranë sekretarisë përkatëse.

Urdhër nr.3172 prot, datë 14.01.2024 "Për miratimin e tarifës vjetore të shkollimit në programet e ciklit të parë dhe të dytë të studimeve me kohë të plotë si dhe programeve të studimit profesionale për vitin akademik 2024-2025"

Të nderuar studentë,

Ju njoftojmë se të gjithë studentët e Universitetit "Luigj Gurakuqi" Shkodër duhet të kryejnë pagesën e tarifës së shkollimit brenda afatit të përcaktuar. Afati i fundit për kryerjen e pagesës është data 1 mars 2025.

Studentët që nuk do të kenë përmbushur këtë detyrim financiar brenda këtij afati nuk do të lejohen të marrin pjesë në sezonin e riprovimeve të muajit mars.

Ju lutemi, sigurohuni që pagesa të kryhet në kohë për të shmangur çdo problem të mundshëm me hyrjen në provime. Për më shumë informacion, mund të kontaktoni administratën e universitetit.

Faleminderit për mirëkuptimin!