Fakulteti Ekonomik i UNISHK me inisiativën e Departamentit të Turizmit  në bashkëpunim me Akademinë e Shkencave të Shqipërisë, Fakultetin Ekonomik të Universitetit të Tiranës, Universitetin Europian të Tiranës, Universitetin Mesdhetar, Universitetin’Aleksandër Moisiu” Durrës, Tirana Business University, Universitetin “Haxhi Zeka” Kosovë dhe me mbështetjen e Bashkisë Shkodër, projektit Read të AADF, organizon Konferencen Shkencore Ndëruniversitare “Sfidat dhe Prespektivat e Zhvillimit të Turizmit të qëndrueshëm” CONFTOUR 2025. Me këtë konferencë synojmë të nxisim lidhjet midis palëve të interesuara në zhvillimin e një turizmi te qëndrueshëm në një mjedis bashkëpunimi dhe shkëmbimi të ideve për zgjidhje inovative dhe praktika më të mira për menaxhimin efektiv të destinacioneve turistike, bizneseve turistike dhe zhvillimin e qëndrueshëm të llojeve të turizmit, duke iu përgjigjur sfidave të sotme me njohuritë dhe ekspertizën që do sjellin në formësimin e së ardhmes së turizmit të qëndrueshëm në vendin tonë dhe rajon.

Kjo konferencë ka mbështetjen e projektit READ – AADF dhe vjen në serinë e disa konferencave shkencore, workshopeve dhe takimeve që Fakulteti Ekonomik i UNISHK ka organizuar në vite duke u fokusuar këtë rradhë në pjesëmarrjen dhe kontributin e brezit të parë të doktorantëve si pjesë e programit të ciklit të tretë që u hap në Fakultetin Ekonomik në vitin akademik 2022- 2023 në fushën  “Eknomi dhe Turizëm i Qëndrueshëm”. 

Objektivat e konferencës:

• Promovimi i zgjidhjeve inovative në përgjigje të sfidave për zhvillimin e turizmit të qëndrueshëm
• Inkurajimi i përdorimit të teknologjisë dhe inovacionit në funksion të sfidave me të cilat përballen sot bizneset turistike në kontekstin e zhvillimive ekonomik në territor.
• Forcimi i lidhjes midis institucioneve akademike, shencore, istitucioneve publike dhe zhvillimeve të bizneseve, duke e vlersuar turizmin si një sektor dinamik dhe motorr i zhvillimit ekonomik të qëndrueshëm.

Janë të ftuar të kontribuojnë dhe të marrin pjesë në këtë konferencë me punimet e tyre stafet akademike dhe shkencore, doktorantët, përfaqësues të biznesve turistike dhe aktorët e tjerë të këtij sektori

Fushat kryesore të prezantimeve:

Lista e mëposhtme mbulon disa nga temat që do të prezantohen në konferencë. Kumtesa mbi tema të tjera që lidhen me objektivat e konferencës janë gjithashtu të mirëseardhura.

• Menaxhimi i turizmit tё qёndrueshёm
• Planifikimi strategjik i destinacioneve turistike
• Ekonomiksi i Zhvillimit tё qёndrueshёm
• Ruajtja dhe menexhimi i biodiversitetit
• Sistemet e informacionit nё turizëm
• Ekonomiksi i ambjentit nё Turizem
• Menaxhimi i projekteve në turizmin e qëndrueshëm
• Sipërmarrja sociale dhe inovacioni
• Restaurim i qendrave urbane dhe i peisazhit historik
• Rikuperimi dhe rijetëzimi i monumenteve kulturore
• Menaxhimi i pasurisë kulturore
• Menaxhimi i kanalit tё shpёrndarjes nё mikpritje
• Diskursi nё turizёm
•  Modele të qëndrueshme biznesi
• Menaxhimi i qëndrueshëm i  turizmit në zonat rurale, bregdetare dhe malore
• Turizmi gastronomik, i errët
•  Ndryshimet klimatike
• Transporti për turizëm
• Menaxhimi i mbrojtjes dhe sigurisë në destinacionet turistike

Important Dates:

Pjesëmarrësit duhet të dërgojnë abstraktet e tyre, sipas Udhëzimeve, në adresën: conftour2024@unishk.edu.al.

Pjesëmarrja në konferencë është falas.  

Gjuha e konferencës: Shqip, Anglisht.