Alba Berberi është pedagoge pranë departamentit Administrim-Biznes, fakulteti Ekonomik, Universiteti “Luigj Gurakuqi”, Shkodër, që prej vitit 2008. Ajo ka eksperiencë në mësimdhënie dhe kërkim shkencor në fushën e menaxhimit dhe titullare në lëndët Komunikim Biznes, Sjellje Organizative, Aftësi Menaxheriale.

Ajo ka përfunduar studimet doktorale pranë fakultetit të Ekonomisë, Universiteti i Tiranës, në vitin 2017, me fokus në praktikat e Menaxhimit të Burimeve Njerëzore.

Gjithashtu, ka përfunduar studimet Master në Qeverisje Koorporatash në fakultetin e Ekonomisë, Universiteti i Firences, Itali, në vitin 2009 dhe është diplomuar në Financë – Kontabilitet, fakulteti Ekonomik, Universiteti “Luigj Gurakuqi”, Shkodër, në vitin 2004.

Fushat kryesore të ekspertizës së saj përfshijnë menaxhimin, menaxhimin e burimeve njerëzore dhe lidershipin. Është autore dhe bashkautore e një numri të konsiderueshëm artikujsh shkencorë të botuar në revista ndërkombëtare, dhe artikujsh referuar në konferenca ndërkombëtare. Këtu mund të rendisim:

1. “Impact of Emotional Intelligence (EI) on leadership effectiveness”, the XV-th International Scientific Conference “Analysis of the Possibility of Exiting the Global Energy Crisis in the Western Balkan Countries “, Prill 2023, Ulqin, Mal i Zi.
2. The transfer of HRM practices across countries: case of Albania”, XVII. FIKUSZ 2023 International Conference: SYMPOSIUM FOR YOUNG RESEARCHERS, 30 Novembre 2023, Óbuda University, Budapest, Hungari.
3. “Identifying and managing the factors that cause job stress in teachers”, 9th International Europian Conference on Interdisciplinary Scientific Research, January 19-21, 2024, Valencia, Spain.

Ajo ka marrë pjesë në projektin Erasmus+ SMART Innovation Centers for the Development of Innovative and Entrepreneurial Thinking to Facilitate the Development of Sustainable Smart Solutions in the Western Balkans https://smartinnovationcentres.com/.