Regjistrimet për konkursin e pranimit në programin e studimit të ciklit të parë “Bachelor” në “Edukim Fizik e Sporte” për vitin akademik 2024 – 2025, do të jenë në datat 19.08.2024 dhe 20.08.2024, ora 08.00 – 13.00.
Të gjithë aplikantët që duan të konkurojnë, duhet të dorëzojnë pranë sekretarisë mësimore që mbulon programin e studimit në Fakultetin e Shkencave të Edukimit, dokumentacionin e mëposhtëm:
- Dokument identifikimi (kartë identiteti ose pasaportë), në dosje mbahet vetëm fotokopja.
- 2 (dy) fotografi.
- Mandat pagesën e tarifës së regjistrimit në konkurs me vlerë prej 5 000 lekë (tek Posta Shqiptare).
- Raport mjeko – ligjor.
Konkursi i pranimit në programin e studimit të ciklit të parë “Bachelor” në “Edukim Fizik e Sporte”, për vitin akademik 2024 – 2025 do të zhvillohet me datë 21.08.2024, 0ra 8.00, tek Palestra e Universitetit, pas shkollës “Ismail Qemali”.