Në kuadër të javës së mirëseardhjes, studentët e vitit të parë të Fakultetit të Shkencave Shoqërore zhvilluan një vizitë orientuese në Bibliotekën e Universitetit. Studentët u pritën ngrohtësisht nga drejtoresha, znj. Alketa Bekteshi dhe stafi i bibliotekës.
Gjatë vizitës, ata u njohën nga afër me:
ambientet e bibliotekës
fondin e pasur të librave dhe materialeve shkencore
si dhe shërbimet online që ajo ofron për studim dhe kërkim akademik përmes platformave:
– Arkiva Digjitale Shkencore,
– Biblioteka Universitare Shkodër,
– katalogu kombëtar i bibliotekave shqiptare.
Studentët e FSHSH-së u bënë anëtarët më të rinj të bibliotekës, duke u pajisur me librezë anëtarësie dhe duke hedhur hapat e parë drejt një rrugëtimi universitar të mbështetur në dije, kërkim dhe bashkëpunim.
