Në mjediset e Universitetit të Shkodrës “Luigj Gurakuqi”, u zhvillua një takim i frytshëm mes ekipeve të UNISHK dhe Universitetit Europian të Tiranës, me fokus të përbashkët: rritjen e bashkëpunimit dhe zhvillimin e projekteve të përbashkëta në kuadër të Erasmus+.
U diskutuan mundësitë e aplikimeve të reja që sapo janë hapur, mënyrat për të motivuar Zyrën e Projekteve drejt më shumë aplikimeve cilësore, si dhe rëndësia e ekipeve të përfshira për të garantuar vazhdimësi dhe qëndrueshmëri.
U trajtua edhe ideja e përfshirjes së ekspertëve të jashtëm, bazat ligjore për honoraret dhe format e bashkëpunimit që mund të sjellin vlerë të shtuar.
Të dy ekipet do të vijojnë intensifikimin e kontakteve, me synimin e qartë për të sjellë projekte cilësore dhe bashkëpunime të qëndrueshme në të ardhmen.
