UNISHK në Workshop-in Ndërkombëtar për Bashkëpunim Akademik në Itali
Universiteti i Shkodrës “Luigj Gurakuqi” mori pjesë në një workshop ndërkombëtar të organizuar nga University of Salento, me fokus forcimin e bashkëpunimit akademik mes universiteteve të Ballkanit Perëndimor dhe Italisë.
Delegacioni i UNISHK përbëhej nga:
Prof. Dr. Blerta Dragusha
Prof. As. Dr. Eliana Laçej
Prof. Dr. Mimoza Priku
Prof. As. Dr. Bresena Kopliku
Dr. Kleida Heta
Dr. Elvisa Drishti
Aktiviteti u zhvillua nën drejtimin e Prof. Valentina Ndou, në bashkëpunim me strukturat drejtuese të universitetit.
UNISHK u përfaqësua nga Zëvendësrektorja për Kërkimin Shkencor, Prof. Dr. Blerta Dragusha, e cila prezantoi prioritetet strategjike të universitetit në fushën e ndërkombëtarizimit, kërkimit shkencor dhe zhvillimit të projekteve të përbashkëta.
Gjatë takimeve me drejtues të universitetit pritës, u diskutuan:
• iniciativat e përbashkëta kërkimore
• projektet e aplikuara në sektorë me interes të përbashkët
• ndërtimi i partneriteteve të qëndrueshme në nivel rajonal dhe evropian
Në kuadër të vizitës, delegacioni zhvilloi edhe një takim institucional me Kryetarin e Bashkisë së Brindisi, për të eksploruar mundësi bashkëpunimi mes institucioneve akademike dhe autoriteteve lokale.
Gjithashtu, pedagogët e Universitetit të Shkodrës zhvilluan takime në departamentet përkatëse me të cilat bashkëpunojnë. Në Departamentin e Ekonomisë të Unisalento, ata u takuan me Prof. Michele Giurano dhe Prof. Alessandro Peluso, ku u diskutua mbi zgjerimin e bashkëpunimit drejt programeve me diploma të përbashkëta në fushën e Ekonomisë.
Ndërkohë, në kuadër të vizitës akademike, u zhvilluan takime në Departamentin e Shkencave Humane të University of Salento, të shoqëruara nga albanologia Monica Genesin.
Diskutimet u përqendruan në vijimësinë e bashkëpunimeve akademike dhe shkencore ndërinstitucionale.
Një moment i veçantë ishte vizita në muzeun historiko-arkeologjik të fakultetit – një nga nëntë muzetë e universitetit – i ndërtuar mbi bazën e kërkimit shkencor të pedagogëve të këtij departamenti.
Kjo vizitë shënon një hap të rëndësishëm në forcimin e dimensionit ndërkombëtar të UNISHK, duke krijuar ura të reja bashkëpunimi dhe duke konsoliduar marrëdhëniet ekzistuese me partnerë akademikë në hapësirën evropiane të arsimit të lartë.
