Takim i frytshëm me klubin e librit “Book’s and Friends”!
Sot, në ambientet e Bibliotekës Shkencore të Universitetit të Shkodrës, u zhvillua një tjetër takim i veçantë i klubit të librit. Dashamirës të leximit, studentë, profesorë dhe anëtarë të Projektit Shpresa u mblodhën për të ndarë ide dhe diskutuar mbi tema me vlerë.
E ftuar speciale ishte gazetarja, ekspertja e komunikimit dhe autorja e librit “Çizmet e Verdha”, Arlinda Çausholli. Ajo ndau mendimet e saj mbi rëndësinë e komunikimit cilësor, sfidat e gazetarisë moderne dhe ruajtjen e etikës profesionale. Studentët e pranishëm ndoqën me vëmendje çdo detaj, duke sjellë një atmosferë të gjallë interaktive.
Takimi u moderua me shumë përkushtim nga koordinatorja e klubit, Ambra Hysa, duke krijuar një hapësirë frymëzuese dhe të hapur për bashkëbisedim.
Ju presim në takimin e ardhshëm për të vazhduar këtë rrugëtim të pasur me njohuri dhe ide të reja
