Në një ceremoni të veçantë të organizuar nga Universiteti i Shkodrës “Luigj Gurakuqi”, 9 studentë u vlerësuan me certifikatën “Student i Shkëlqyer”, për përfundimin me rezultate shumë të larta të programeve respektive të studimit.
Rektori Gjuraj përgëzoi studentët për arritjet e tyre, falënderoi prindërit dhe familjarët për përkrahjen, si dhe shprehu mirënjohjen për pedagogët dhe stafin administrativ për rolin e tyre thelbësor në suksesin e këtyre studentëve.
Në ceremoni ishin të pranishëm edhe zëvendësrektoret, Dragusha dhe Laçej, dekani Haxhi i Fakultetit të Shkencave Shoqërore, si dhe shumë pedagogë e prindër të studentëve të shkëlqyer, të cilët ndanë emocionet dhe krenarinë për suksesin e tyre.
Studentët e vlerësuar me këtë certifikatë janë:
Julian Kruja
Seida Rrahi
Evelinda Gjergji
Merita Zeneli
Deada Smajlaj
Klevisa Bardeli
Laura Kasteri
Laureta Bruka
Amarildo Gjeçaj
UNISHK vazhdon pandërprerë të mbështesë studentët më të mirë, duke krijuar mundësi për zhvillim akademik dhe profesional. Studentët e shkëlqyer jo vetëm që përfaqësojnë krenarinë e universitetit, por janë edhe shembuj frymëzues për bashkëmoshatarët dhe brezat e ardhshëm.
Urime studentëve të shkëlqyer! Suksesi juaj është një vlerë për universitetin dhe për të ardhmen akademike të vendit!
