organizuar në kuadër të projektit EleGANTS, mblodhi studentë dhe staf të Universitetit të Shkodrës “Luigj Gurakuqi” për një diskutim dyditor mbi potencialin e teknologjisë në art dhe shkencat humane.
Gjatë seminarit, pjesëmarrësit ndanë mendime dhe ide për mënyrat se si teknologjia mund të nxisë kreativitetin, të përmirësojë menaxhimin e projekteve dhe të zhvillojë aftësitë sipërmarrëse në fusha të ndryshme. Aktiviteti u bazua në moton: “Le të krijojmë së bashku dhe të punojmë si ekip”, duke theksuar rëndësinë e bashkëpunimit ndërmjet aktorëve të ndryshëm.
Seminari trajtoi përdorimin e teknologjisë për edukim, art dhe shkencë, duke sjellë gjithashtu shembuj nga start-up-e dhe përvoja të partnerëve të projektit. Ky shkëmbim përvojash ndihmoi në ndërtimin e rrjeteve të qëndrueshme bashkëpunimi dhe përforcimin e perspektivës së Bashkimit Evropian në institucionet e arsimit të lartë.
Kjo iniciativë është një hap i rëndësishëm drejt rritjes së inovacionit dhe zhvillimit në fusha me ndikim të madh si artet dhe shkencat humane, duke ndërlidhur teknologjinë me krijimtarinë dhe zhvillimin akademik.
