Dje, në Universitetin e Shkodrës, u zhvillua Tryeza e Diskutimit për U2SID Project, një moment i rëndësishëm për të reflektuar mbi bashkëpunimin ndërmjet universiteteve dhe aktorëve të tjerë të shoqërisë në promovimin e transformimit dixhital përfshirës. Ky aktivitet vlerësohet si shumë i rëndësishëm për qëndrueshmërinë e projektit U2SID.
Studentëve të përfshirë iu shpërndanë certifikatat për angazhimin e tyre në projekt.
Çfarë u diskutua?
Rrugëtimi 2 vjecar i U2SID dhe rëndësia e tij në forcimin e lidhjeve ndërmjet universiteteve, biznesit dhe shoqërisë civile.
Prezantimi i zgjidhjeve dixhitale të realizuara nga studentët e Universitetit të Shkodrës dhe universiteteve partnere, duke demonstruar mundësinë e përvetësimit të njohurive bazuar në projekte.
Diskutime mbi të ardhmen e bashkëpunimit universitet-biznes dhe integrimin e teknologjisë në arsimin e lartë.
Sesion special mbi rëndësinë e të dhënave në Shqipëri, me prezantimin e projektit "Fostering Trust and Utilization in Albania’s Data Landscape" nga CCIS, të mbështetur nga Ambasada Zvicerane në Tiranë.
Shfletoni fotot për të parë disa nga momentet kryesore të aktivitetit!
Falenderojmë të gjithë grupet e interesit, studentët e pedagogët që na u bashkuan në aktivitet dhe angazhimin e tyre në diskutime.
Falenderim i vecantë për Animals Need Me për bashkëpunimin me një nga projektet tona, falemnderit Natyralistët, VIS Albania që ishin të pranishëm në këtë aktivitet.
Rruga drejt një transformimi dixhital gjithëpërfshirës vazhdon!
