Studentët e Departamentit të Psikologjisë dhe Punës Sociale organizuan një aktivitet promovues për librin “Studim për muzikologjinë psikoanalitike” të profesor Qamil Gjyrezit, në mjediset e Bibliotekës Shkencore të Universitetit të Shkodrës.
Ky takim ishte një moment i veçantë, ku lidhjet mes psikologjisë, muzikës dhe artit u eksploruan përmes prezantimeve dhe diskutimeve të pasura nga autori dhe pjesëmarrësit.
I ftuari special, personaliteti i artit Anton Kaftalli, e pasuroi aktivitetin me interpretimin e tij muzikor, duke e kthyer këtë takim në një përvojë të paharrueshme dhe frymëzuese.
Pjesëmarrësit e mirëpritën këtë iniciativë me entuziazëm dhe vlerësuan përmbajtjen e saj kreative dhe motivuese.
