U përmbyll me sukses workshopi 3-ditor ndërdisiplinor i përbashkët mes Universitetit të Shkodrës “Luigj Gurakuqi”, Universitetit “Polis” dhe Kolegjit Ndërkombëtar të Mitrovicës, i zhvilluar në funksion të zhvillimit të qëndrueshëm dhe rritjes së konkurrueshmërisë në territorin e Bashkisë Shkodër.
Në auditorin A1 të Universitetit të Shkodrës nisi ky workshop me pjesëmarrjen aktive të studentëve dhe stafit akademik nga tre institucionet partnere.
Sot, studentët prezantuan punimet e tyre mbi zhvillimin e qëndrueshëm, trashëgiminë natyrore dhe kulturore
Prezantimet u ndoqën nga:
• Eliana Laçej – Zv.rektore e Universitetit të Shkodrës
• Elona Karafili – Zv.rektore e Universitetit “Polis”
• Sonia Jojic – Përgjegjëse e Departamentit të Art dhe Dizajn në Universitetin “Polis”
• Ervis Krymbi – Departamenti i Gjeografisë, Universiteti i Shkodrës
• Flora Krasniqi – Drejtore e Zyrës së Ndërkombëtarizimit dhe Projekteve në Universitetin “Polis”
Pas një pune intensive në terren, studentët të ndarë në grupe prezantuan ide inovatore mbi turizmin e qëndrueshëm, itineraret turistike dhe përdorimin e teknologjisë së informacionit
Secili prezantim u ndoq me interes të veçantë, duke nxjerrë në pah vlerat natyrore dhe kulturore të zonës së Shkodrës
Workshopi përforcoi bashkëpunimin akademik dhe tregoi potencialin e të rinjve në ndërtimin e një të ardhmeje më të qëndrueshme për rajonet tona.
