Promovimi i romanit “Të ecësh vetëm” nga Gerta Sulejmani, studente në Fakultetin e Gjuhëve të Huaja, Departamenti i Gjuhës Angleze, solli një frymë të re në botën e librit.
Ky promovim nuk ishte thjesht një prezantim, ishte një përvojë artistike ku videoja, zëri dhe ndjesia u ndërthurën për të përcjellë historinë e një udhëtimi të brendshëm që prek çdo lexues.
Mbrëmja u mbush me emocion, reflektim dhe frymëzim, duke e kthyer fjalën në ndjesi dhe artin në mënyrë komunikimi.
Në Muajin e Letërsisë, ky promovim na kujtoi se letërsia nuk ka nevojë për shumë fjalë për të prekur shpirtin, mjafton ta jetosh atë.
