Sot, më 21 maj 2025, në ambientet e Fakultetit Ekonomik të Universitetit të Shkodrës “Luigj Gurakuqi”, u zhvillua një leksion i hapur me profesor David Riha nga University of Prague, i ftuar special në kuadër të bashkëpunimeve ndërkombëtare dhe aktiviteteve akademike të fakultetit.
Leksioni u mbajt në sallën e doktoraturës dhe ishte i dedikuar për studentët e ciklit të dytë dhe të tretë të studimeve në Menaxhim, me temë:
“Trendet e reja në marketingun turistik ndërkombëtar”
Profesor Riha solli një qasje bashkëkohore mbi zhvillimet më të fundit në fushën e marketingut të turizmit global, duke ndarë përvoja praktike, raste studimore dhe sfida aktuale në industrinë e turizmit.
Aktiviteti u mirëprit nga studentët dhe stafi akademik, duke nxitur diskutime dhe reflektime të dobishme mbi mënyrat e reja të komunikimit dhe promovimit turistik në një treg gjithnjë e më të ndërlidhur.
Në takim morën pjesë edhe studentë të tjerë të interesuar, duke e kthyer këtë leksion në një hapësirë të vlefshme shkëmbimi njohurish dhe përvojash ndërkulturore.
