Jemi vërtet krenarë për të gjithë studentët që morën pjesë si Juri Studentore në Konferencën Ndërkombëtare me temë “Zhvillimi në kohë të trazuara”, duke marrë përsipër detyrën e rëndësishme të vlerësimit të prezantimit më të mirë të seksionit.
Kjo përvojë u cilësua prej tyre si një përgjegjësi e madhe, por njëkohësisht edhe si një eksperiencë e jashtëzakonshme , pasi u ofroi mundësinë të bëhen pjesë e paneleve të diskutimeve, të parashtrojnë pyetje dhe të kontribuojnë me mendimin e tyre kritik.
Faleminderit të gjithë studentëve pjesëmarrës nga:
Fakulteti i Shkencave Shoqërore
Fakulteti i Shkencave të Natyrës
Fakulteti i Gjuhëve të Huaja
Fakulteti Ekonomik
Fakulteti i Drejtësisë
Fakulteti i Shkencave të Edukimit
Një falënderim i veçantë shkon për Komisionin e Jurisë Studentore dhe Këshillin Studentor , të cilët vazhdojnë të angazhohen në mënyrë të palodhur në mbështetjen, organizimin dhe përmirësimin e aktiviteteve të tilla akademike.
