Një tjetër aktivitet frymëzues nga Klubet Studentore “Ernest Koliqi” dhe “Arshi Pipa”!
Në vijim të aktiviteteve të shumta studentore, që pasqyrojnë orientimin kryesor të Universitetit të Shkodrës “Luigj Gurakuqi” për ta vendosur studentin në qendër, u organizua një takim i rëndësishëm me temën “Gjuha disiplinë e hapur”.
Studentët e programeve Bachelor Gjuhë-Letërsi, Bachelor Gazetari-Komunikim dhe Master Mësuesi në Gjuhë-Letërsi jo vetëm që realizuan prezantime të thelluara, por u përfshinë në diskutime interaktive dhe frytdhënëse. Ky aktivitet solli në qendër bashkëpunimin ndërkurrikular, duke eksploruar ndërlidhjet e gjuhës me:
• Letërsinë
• Historinë
• Sociologjinë
• Teknologjinë e informacionit
• Biologjinë
Idetë inovative dhe propozimet për projekte ndërdisiplinore gjetën mbështetje të plotë nga pjesëmarrësit, duke dëshmuar përkushtimin e të rinjve në thellimin e njohurive dhe në zhvillimin e aftësive të reja.
Ky aktivitet nuk është vetëm një hap drejt thellimit akademik, por edhe një dëshmi e përkushtimit të UNISHK për të krijuar një mjedis që fuqizon studentët dhe nxit angazhimin e tyre krijues dhe kritik.
Studentët, të frymëzuar nga ky bashkëpunim, kanë nisur tashmë punën për organizimin e aktivitetit pasues, duke dëshmuar dëshirën për të qenë promotorë të ideve të reja dhe të zhvillimeve akademike në komunitetin universitar.
