Faza I e Programit Kombëtar të Zhvillimit Profesional të Mësuesve përmbyllet me sukses!
18 Qershor 2025
Ky program i Ministrisë së Arsimit dhe Sportit, në bashkëpunim me universitetet publike, synon rritjen e kapaciteteve të mësuesve në fushat prioritare:
Gjuhë Shqipe
Matematikë
Shkenca & Teknologji (STEM)
Aftësi ndërdisiplinore
Në Universitetin e Shkodrës “Luigj Gurakuqi”, në fazën e parë janë trajnuar 92 grupe mësuesish të drejtimeve: gjuhë-letërsi, arsim fillor, matematikë, fizikë, biologji, kimi, histori, gjeografi, shkenca shoqërore dhe drejtues shkollash.
Trajnimet janë realizuar nga 22 pedagogë/trajnerë të UNISHK, sipas profileve përkatëse.
Seancat u zhvilluan në: Shkodër, Lezhë, Kukës dhe Pukë.
Faza e dytë e programit do të zhvillohet nga shtatori deri në nëntor 2025 dhe do të përfshijë edhe 34 grupe të tjera në Kukës, Lezhë dhe Tropojë.
Përgëzojmë pedagogët/trajnerët tanë për përkushtimin, profesionalizmin dhe kontributin e çmuar në këtë proces kombëtar për fuqizimin e mësuesve dhe cilësisë në arsim!