Sot, më 16 tetor 2023, në ambjentet e Bibliotekës Shkencore Universiteti i Shkodrës "Luigj Gurakuqi" u organizua takimi informues rreth projektit "Edukimi është çelësi i suksesit".
Projekti është një bashkëfinancim i MAS dhe USH në lidhje me politikën e ndërkombëtarizimit të arsimit të lartë. Përfitues të projektit janë studentët, stafi akademik dhe administrativ i USH-së dhe gjithë komuniteti i kërkuesve shkencorë të rajonit. Projekti është hartuar nga Departamenti i Historisë në kuadër të finalizimit të programit të ri të përbashkët të studimit "Trashëgimi kulturore" që do të fillojë vitin e ardhshëm akademik. Ky program studimi është një diplomë e dyfishtë nga dy universitete: Universiteti Shkodrës Luigj Gurakuqi dhe Universiteti i Salentos, Itali.
