Sot, më 18 dhjetor 2023, në auditorin A1 u zhvillua një aktivitet i organizuar nga Departamenti Biologji -Kimi, në bashkëpunim me Zyrën e Alumnit dhe Karrierës, i titulluar “Aty ku nis rrugëtimi”.
Fjalën e hapjes së këtij aktiviteti e mbajti Prof. As. Dr. Ariana Striniqi, Drejtore e Departamentit Biologji- Kimi, ndërsa fjalën përshëndetëse e mbajti Dekani i FSHN-së, Prof. As. Dr. Rrok Smajlaj.
Aktiviteti u përshëndet nga disa figura të shquara të ALUMNI-t të profilit Biologji-Kimi, të cilëve iu shpërndanë certifikata mirënjohjeje për arritjet dhe karrierën e tyre të suksesshme:
Mirabela Haxhoja, Orjeta Elbasani, Gezim Bara, Sabina Neziri, Adriana Jakaj, Lejla Meti, Ermira Gramshi, Anisa Kapidanja, Zhaneta Miloti, Albana Temali, Dritan Dhora, Aurora Sylja, Age Martini, Eva Bujari, Amina Bega, Orjeta Ceka, Mirna Sallaku, Marjana Prenga, Aida Shefkiu, Paulo Kaceri, Ferit Delaj, Ingrit Baba, Renato Kapcari, Sumeja Kurtaj dhe Lindita Bushati.
Aktiviteti u mbyll me inaugurimin e Laboratorit të Analizave të Ushqimeve.
